লোমনাইদবা পূন্সি ফংলব্রা?

ময়েক শেংলবা পূন্সি লম্বী অমা বাইবলদা তাক্লি। অহানবদা, ঐখোয়না তেংবান মপূগী মফমদা অকায়বা চৎলুরে হায়বসি য়াবীবা তাই: ‘‘ঐখোয় পূম্নমক অরানবা তৌবা মরমনা ঈপূরোয়গী মতিক মঙাল ফংবা ঙমদে।’’ রোমান 3:23)। ঐখোয় পূম্নমক ঈপূরোয়না য়ানিংদবা থবক তৌবা মরমনা, চৈরাক ফংবা য়ারবা ঙাক্তনি। ঐখোয়গী পাপ পূম্নমক অসি অমত্তা ঙায়রবা লোমনাইদবা ঈপূরোয়গী মফমদা হকথেংননা তৌরুবা মরমনা, লোইনাইদবা চৈরাক অমদি ফংফম থোক্লবনি। ‘‘মরমদি পাপ তৌরুবগী মহৈদি শিবা হায়বসিনি, অদুবু ঐখোয়গী মপূ ইবুঙো যীশু খৃষ্টগী মতেঙনা লোমনাইদনা হিংবা ঙমহল্লি’’ য় রোমান 6:23)।

অদুম ওইনমক, ঈপূরোয়গী লোমনাইদবা মচানিপা, পাপ চেন্দবা (1 পিটর 2:22), যীশু খৃষ্ট তাইবং মী অমগুম পোকপীরকখি (যোহন 1:1,14) অমসুং ঐখোয়গী ইরাল কোকনবা শিবিখি। ‘‘অশুমনা ঐখোয়গীদমক ঈপুরোয়না মহাক্কী নুংশিবা অদু উৎথোকপী: ঐখোয়না পাপ চেনবা ওইদুনা লৈরিঙৈদা, খৃষ্টনা ঐখোয়গীদমক শিবিখি’’ (রোমান 5:8)। যীশু খৃষ্ট পাং মথক্তা শিখি (যোহন 19:31-42), ঐখোয়না ফংগদবা চৈরাক মহাকনা ফংবিখি (2 কোরিন্থীয় 5:21)। শিরবা মতুং নুমিৎ হুমনি শুরগা মহাক অমুক হিংগৎলকখি (1 কোরিন্থীয় 15:1-4), পাপ অমশুং শিবা মহাকনা ঙম্বগী খুদম উৎখি। যীশু খৃষ্ট শিদুনা মোংফমদা লৈরোন চল্লুবদগী অমুক হিংগৎলকপা অসিদগী মহাক্কী চাওরবা থৌজাল ওইনা লেঙদবা আশাগী অনৌবা মপোক অমা ঐখোয়দা পীনবীরে (1 পিটর 1:3)।

থাজবনা, ঐখোয় পাপতগী নানথোক্কনি অদুগা অরান খুবমগীদমক খৃষ্টদা ওনশিনগনি (পাওখোন 3:19)। ঐখোয়না মহাকপু থাজদুনা, ঐখোয়গী পাপ কোকপিনবা মহাকনা ক্রোসতা শিখিববু থাজরবদি, ঐখোয়বু ঙাকপীগনি অমদি লাইরৈপাক্তা লোমনাইদবা পুন্সিদা হিংলুগনি’’ (যোহন 3:16)। অদোমনা অদোমগী চিননা, ‘যীশুবু মপু ইবুঙোনি’ হায়দোকচরগদি লোয়ননা অশিবশিং মরক্তগী ইবুঙোবু ঈপুরোয়না েহিংগভহন বীঘ্রে হায়বসি ইপুকনিংদা থাজরবদি, অদোমবু কনবিরগনি’ রোমান 10:9)। ক্রোস মথক্তা খৃষ্টবু লোইশিনখিবনি হায়বসিবু থাজবখক্তনা লোমনাইদবা পূন্সি য়ৌনবগী অমত্ত ঙায়রবা লম্বেলনি! ‘‘মরমদি পুকনিংগী থাজবতনা অদোমবু কনবীবা ওইরগসু মসি থৌজালননি, অদুনা মসি অদোমদগী লাকখিবা খুদোল নত্তে, ঈপুরোয়দগীনি- মী কনামত্তনা চাওথোকপা ঙমদনবা, থবকতগীসু নত্তে’’ ( এফিসান 2:8-9)।

অদোমনা যীশু খৃষ্টবু অদোমগী লানবীবা মপু ওইনা লৌশিনবা পাম্বীরবদি, ইথোক্লবা লাইশোল অমা লৈ। নিংশিংবীয়ু, লাইশোল অসি নত্রগা অতোপ্পা লাইশোল অমা হায়রগা অদোমবু কনবীবা ঙমলোই। খৃষ্টদা থাজবা থম্বখক্তনা অদোমবু পাপতগী কনবীবা ঙমগনি। লাইশোল অসিদি অদোমদা অরান খুবম পীবীনবগীদমক অদোমনা ঈপুরোয়বু থাজবা অমসুং তৌবীমল খঙবা উৎপদুবু মহাক্কী মফমদা ফোংদোকনবগী ইচম চম্বা মওং অমনি।

‘‘ঈপুরোয়, নহাক্কী মফমদা ঐহাক লাল্লুরে হায়বা ঐহাক খঙজৈ অদুনা মসিগীদমক ঐহাকপু চৈরাক পীবীবা য়ারবনি। অদুবু ঐহাকনা ফংগদবা চৈরাক অদু যীশু খৃষ্টনা ফংবীখিবদগী মহাকপু থাজরুবগী মপান্না ঐহাকপু ঙাকপীরে। ঐহাক ঐহাক্কী পাপতগী মায় লৈথোকচরে অমসুং অরান খুবমগীদমক্তা নহাক্কী মফমদা থাজবা থমজরি। নহাক্কী অঙকপা ফংলরা থৌজাল অমসুং ঙাকপীহৈবা অসিগীদমক নহাকপু থাগৎচরি-মসিনি লোমনাইদবা পুন্সিগী খুদোল! আমেন!’’